2010, ജൂലൈ 30, വെള്ളിയാഴ്‌ച

മരുഭൂമികള്‍ ആകാശത്തോട് പറഞ്ഞത് ...

ഇറുകെ പുണര്‍ന്നു നില്‍ക്കുന്ന
ആകാശത്തോട്
മരുഭൂമികള്‍ മന്ത്രിക്കുന്നത്
എന്താവും ?
ഒരിക്കല്‍ എങ്കിലും
സ്നേഹമാരി പെയ്യിച്ച്
എന്റെയീ നീച ജന്മം
സഫലമാക്കണം എന്നോ ?
മാറില്‍ ചൂഴ്ന്നു കത്തുന്ന
തീഷ്ണ സൂര്യനെ
മേഘ കമ്പിളി കൊണ്ടു
എത്ര മറച്ചു പിടിച്ചാലും
പെയ്തു നിറയ്ക്കനാവുമോ
ഈ ഊഷര വനങ്ങള്‍
അതുകൊണ്ടു തന്നെയാവണം
നീലാംബരത്തിനു
ഈ ദീര്‍ഘ മൌനം
തഴുകി തലോടി നില്‍ക്കുന്ന
ആകാശത്തോട്
സാഗരങ്ങള്‍ ആര്‍ത്തലച്ചത്
എന്തിനാവും ?
ഒരിക്കലെങ്കിലും
എന്‍റെ അന്തര്‍ ദാഹങ്ങള്‍ക്ക്
വസുന്ധരയുടെ ഗര്‍ഭ ഗൃഹങ്ങളില്‍
അഭയം നല്‍കണം
എന്ന് പറയാനോ ?
വന്‍കരകള്‍ കടലെടുത്താലും
കരഞ്ഞും ചിരിച്ചും തീര്‍ക്കാനാകുമോ
ഉയിരില്‍ നുരയിടുന്ന
ഈ വന കാമനകള്‍ !!!
അതുകൊണ്ടു തന്നെയാവണം
ശോനാന്മ്ബരത്തിനു
ഈ ദീര്‍ഘ മൌനം !!!

Published in Manorama online
(Manorama online/Gulf news/My creatives/Marubhoomikal)

2 പേര്‍ അഭിപ്രായം പറഞ്ഞു ഇനി നിങ്ങള്‍ക്കും പറയാം:

remesh aroor പറഞ്ഞു...

suhrutthukkal blog vaayichu abhipraayngal ariyikkumallo...

Anya പറഞ്ഞു...

XXX

:)

ഒരു അഭിപ്രായം പോസ്റ്റ് ചെയ്യൂ

വായനക്കാരുടെ പ്രതികരണങ്ങള്‍