2010, സെപ്റ്റംബർ 11, ശനിയാഴ്‌ച

ഉത്തരം

ഉത്തരത്തിലെ പല്ലിയും
ഉത്തരം മുട്ടുന്ന
പ്രാണിയും..
ഒരേ സമയം ദൈവമേ
എന്ന് പ്രാര്‍ത്ഥിച്ചു കൊണ്ടാണ്‌
ഇര തേടാനിറങ്ങിയത്
കളി കാണുകയായിരുന്നു
ഞാനും മകനും
ദൈവത്തിന്റെ ചിത്രത്തിന്
പിന്നില്‍ പ്രാണന്‍ തൊണ്ടയില്‍
കുരുങ്ങുന്ന
നിലവിളി കേട്ട്
മകന്‍ ചോദിച്ചു
ആരാണച്ചാ ജയിച്ചത്‌
പല്ലിയോ ?പ്രാണിയോ? ദൈവമോ ?
അവനു കളി മനസിലായോ എന്തോ!

1 പേര്‍ അഭിപ്രായം പറഞ്ഞു ഇനി നിങ്ങള്‍ക്കും പറയാം:

salil പറഞ്ഞു...

ഹൊ!

ഒരു അഭിപ്രായം പോസ്റ്റ് ചെയ്യൂ

വായനക്കാരുടെ പ്രതികരണങ്ങള്‍